Ы.Алтынсариннің 180 жылдығына арналған «Білім беру жүйесінің заманауи сын-қатерлері жағдайында Қазақстан Республикасының үздіксіз білім беруі» атты халықаралық ғылыми-практикалық конференция өтті. Пандемия жағдайында Алтынсарин оқуларын ұйымдастырушылар конференцияның әдеттегі форматын өзгертті және оны онлайн режимде өткізді.
Тұңғыш педагог,қазақ балаларына білім кілтін ұстатып, білім сыйлаған ағартушы Ыбырай Алтынсарин оқулары өтті. Байқаудың негізгі мақсаты қазақ тілінің көркемдік ерекшелігін және ағартушы-педагог Ы. Алтынсарин шығармаларын насихаттау, оқушылардың қазақ тілі мен әдебиетіне деген ықыласын арттыру, оқушылардың рухани бірлігін нығайту болып табылады.
